Ka Ganacsiga Beedka iyo Hilibka Digaagga oo Noqday Maalgashi iyo Ildhaqaale oo Somaliland Ka Hirgalay
Dawan News
Smiley face
May 8th, 2017
Ka  Ganacsiga Beedka iyo Hilibka Digaagga oo Noqday Maalgashi iyo Ildhaqaale oo Somaliland Ka Hirgalay

Muddooyinkii u dambeeyay waxaa jamhuuriyadda Somaliland ku soo badanayay dadka muwaadiniinta ee maalgashiyada kala duwa  dalka ku samaynayay waxaanay dalka ku soo  kordhiyeen waxyaabo badan oo ay ku abuurayaan fursado maalgashi.

Waxaanay noqotay dhaqashada digaagga iyo ka ganacsiga beedka iyo hilibka digaaggu suuq ganacsi iyo il dhaqaale oo Somaliland u soo korodhay iyo suuq daboolay baahi badan oo loo qabay beedka iyo  hilibka digaagga oo ka iman jiray markii hore dalal kala duwan o dibedda ka ah Somaliland.

Dhinaca kale Xukuumadda Somaliland,ayaa joojisay oo dalka ka mamnuucday in dibeda laga soo geliyo hilibka Digaagga iyo Beedka joojintaasina waxay kor u qaaday wax soo saarka Beedka iyo Hilibka digaagga ee ay soo saaraan shirkado dhawr ah oo  dad muwaadiniin reer Somaliland ahi ay dalka ka jirgaliyeen.

Haddaba waxaa loo baahan yahay in shirkadaha muwaadiniinta reer Somaliland ay maal galiyeen ee  lagu dhaqay digaagga isla markaana kor loogu qaaday wax soosaarka  Beedka dalka iyo hilibka digaaggu in uu noqdo mid la ilaaliyo caafimaadka digaagga iyo beedka  iyo hilibkaba,taasoo meesha ka saaraysa in ay dhibaato la soo deristo ganacsiga maalgashi ee ay dalka ku soo kordhiyeen dadka muwaadiniinta ah ee abuuray shirkadaha digaagga ee dalka ka hirgalay.

Markasta oo la ilaalityo tayada wax soo saarka lagu tabcay lana dhawro caafimaadkiisa waxay taasi kor u qaadaysaa suuq geyntiisa iyo inuu yeesho sumcad iyo kalsooni ay bulashdu  ku qabto.

 

163 total views, 1 views today

LikeBox

Facebook By Weblizar Powered By Weblizar

Find us on Facebook

Barnaamijyadda

More Barnaamijyada